كلمات والحان: نور عاشور

حزين؟ ولا خدت عالتكشير؟؟
تاخد من الربيع حره، وتاخد من الدوا مره
ومن فصول السنة أمشير

سعيد؟ وتعودت تغني كتير؟
تاخد من الحياة مجاملها
حتى ان غدرت بيك تجاملها
وتفضل فاكر فيها الخير

زهقان؟ ولا التدخين عندك عادة؟
مشغول بنفس داخل طالع
مهما قالولك ايه مش سامع
ارحم نفسك بقا دخان

قهوة وشاي وكيف بزيادة
مهما اقولك ايه ماهي عادة
زي الغنا زي التكشير
حتى الحب كمان بقا عادة

كلمات والحان: سيد درويش

ايه العبارة.. ايه العبارة
لسة في ايدي حرق السيجارة

دا ايه يا روحي وده ايه يا سيدي
حتاخد ايه من حرق ايدي
وحياتي عندك متهزش ايدي
ده كفاية قلبي فيه مية أمارة


ايه العبارة.. ايه العبارة
لسة في ايدي حرق السيجارة

وحياتي تسكت يا سلام وسلم
كده برضه يعجب، الحرق علم
دانا لغيرك ماقدرش اسلم
مادام في ايدي منك أمارة